Dende Reikjavik chegan Dead Skeletons, rara avis do panorama underground europeo xa que a banda comezou sendo unha tenda de roupa (!) creada por Nonni Dead e Henrik Björnsson para despois mutar en grupo musical. Coa incorporación dun terceiro membro Ryan Carlson Van Kriedt e algunhas destacables colaboracións coma a de Anton Newcombe.
A finais do ano pasado lanzaban físicamente o seu esperado primeiro disco Dead Magick a través de Cargo Records, selo do líder dos Brian Jonestown Massacre co cal xa editaran un 10" Dead Mantra en 2010 e cuxo videoclip se convertiu nun pequeno éxito en Youtube con máis de 120.000 visitas -que non está nada mal- e sua cita filosófica repetida ata a extenuación 'HE WHO FEARS DEAD CANNOT ENJOY LIFE'.
No aspecto musical atopámonos unha mistura de sons repetitivos, psicodelia, reverberacións, pérdida da consciencia, nihilismo vervetunderground-esco e o espíritu de Joy Division rondan un dos álbumes debut máis interesantes do pasado ano.
No hay comentarios:
Publicar un comentario